"قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى" كونستيتۋتسيالىق زاڭعا جانە "قازاقستان رەسپۋبليكاسى پارلامەنتىنىڭ كوميتەتتەرى مەن كوميسسيالارى تۋرالى" زاڭعا تۇزەتۋلەر ەنگىزۋ ارقىلى پارلامەنتتىك وپپوزيتسيا ينستيتۋتىن قۇرۋ ماسەلەسىن قاراستىراتىن جانە ونىڭ قىزمەتىن رەگلامەنتتەيتىن وزگەرىستەر مەن تولىقتىرۋلار جاسالدى. ەندى پارلامەنت ءماجىلىسى تۇراقتى كوميتەتتەرىنىڭ بىر توراعاسى مەن ەكى حاتشىسى پارلامەنتتىك وپپوزيتسيا دەپۋتاتتارى اراسىنان سايلانادى", - دەلىنگەن ۇندەۋدە.
سونداي-اق وندا پارلامەنتتىك وپپوزيتسيا ءبىر سەسسيا كەزىندە كەمىندە ءبىر رەت پارلامەنتتىك تىڭداۋ وتكىزۋ جونىندە باستاما كوتەرۋ قۇقىعىن يەلەنەتىنى ايتىلعان.
ء"بىر سەسسيا كەزىندە كەمىندە ەكى رەت ۇكىمەت ساعاتىنىڭ كۇن ءتارتىبىن ايقىندايتىن بولادى. بۇدان بولەك, ساياسي پارتيالار فراكتسيالارىنىڭ جەتەكشىلەرىنە پارلامەنت پالاتالارىنىڭ بىرلەسكەن وتىرىستارىندا, پارلامەنت ءماجىلىسىنىڭ پلەنارلىق وتىرىستارىندا, تۇراقتى كوميتەتتەردىڭ, جۇمىس توپتارىنىڭ وتىرىستارىندا, پارلامەنتتىك تىڭداۋلاردا جانە باسقا ءىس-ءشارالاردا سوز سويلەۋگە كەپىلدى قۇقىق بەرىلەدى", دەدى پرەزيدەنت.
ەسكە سالا كەتەيىك, بۇگىن مەملەكەت ءباسشىسىنىڭ ماجىلىس جانە ءماسليحات دەپۋتاتتارىنىڭ سايلاۋى تۋرالى ۇندەۋى جاريالاندى.
